Кубен сантиметар

Кубен сантиметар (симб. см³, cm³, cc) е мошне застапена единица за волумен (зафатнина), сразмерна на изведената SI-единица кубен метар. Соодветствува на волуменот на коцка со димензии 1 см × 1 см × 1 см. Еден кубен сантиметар е ¹⁄_1000000 од волуменот на еден кубен метар, или ¹⁄₁₀₀₀ литар (еден милилитар). Затоа 1 cm³ ≡ 1 mL. Еден кубен сантиметар вода на температура од 3,98 °C (кога водата е најгуста) има приближна маса од еден грам.

Во многу научни области, кубниот сантиметар е заменет со милилитри, но истиот е сеприсутен во автоиндустријата, каде ја изразува работната зафатнина или „кубикажа“ на автомобилските мотори и се среќава означен како cc. На пример, мотор од 2300 „кубици“ има истоветна работна зафатнина од 2,3 Л (бидејќи см³ = 1 Л)