21 Век (музичка група)
21 Век[1] — македонски рок бенд од Скопје. Активен е на локалната сцена од 2018 година. Свиреле на повеќе турнеи низ балканот, како и настапувале на различни фестивали во земјата и странство.
| 21 Век | |
|---|---|
| Потекло | Скопје, Македонија |
| Жанрови | алтернативен рок, панк, пост панк, поп, македонска традиционална музика |
| Период на активност | 2018 година - денес |
| Издавачи | Balkan Veliki |
| Мреж. место | https://21vek.mk/ |
| Членови | |
| Васко Атанасоски Дени Крстев Раде Јордановски | |
„21Век” е бенд кој го сочинуваат тројца познати музичари од скопската алтернативна сцена: Васко Атанасоски („Бернајс пропаганда”, „ХаХаХа”, „FxPxOx”), Раде Јордановски („FxPxOx”) и Дени Крстев („Бернајс пропаганда”, „Фонија”, „My Tear”).
Музиката на „21Век“ претставува силно експресивна палета на влијанија движејќи се од правци како пост-панк сè до македонската традиционална музика. Критичарите, нивната музика ја карактеризираат како „поп музика вкоренета во длабок андерграунд”.[2]
„21 век се најљубовниот панкерски бенд или најпанкерскиот љубовен бенд. Нема друг како Васко, кој може во 3 скромни зборови да опише еден цел грст емоции. А Раде и Дени, неговите санчопансовци, умешно го следат јавајќи кон зајдисонцето.
Со нивните 3 енергетски набиени албуми издадени во рок од две години, 21 век само го трансформираа целото музичко и животно искуство од нивните претходни состави (My tear, Bernays Propaganda, FxPxOx, XAXAXA) во лирична зрелост. 21 век не е бенд, туку жесток порив за корнење на срцето. Да заплачеш и заиграш.“
- ЗДРАВО МЛАДИ[3]
Настапи
уреди- 16 ноември 2018 - промоција на деби албум во кафулето „Винил“ - Скопје[4]
- 26 јули 2020 - МКЦ за Скопје, МКЦ, Скопје[5]
- 03 септември 2022 - на 12. Здраво млади, МКЦ, Скопје
- Мини турнеја на 21 Век - 2022 г.
22.03 Feedback, Ниш, Србија;
23.03 Клуб Močvara, Загреб, Хрватска;
24.03 Клуб Kotač, Пула, Хрватска;
25.03 Azimut, Шибеник, Хрватска;
26.03 Клуб Kocka, Сплит, Хрватска;
27.03 Propaganda bar, Никшич, Црна Гора.
- 28 декември 2022 - 50 ГОДИНИ МКЦ во МКЦ
- 22 април 2023 - Настап на ARTAN LILI + 21VEK во Apolo, Панчево
Прв самостоен концерт
уреди- 01 септември 2023 - 21 ВЕК КОНЦЕРТ, во МКЦ, Скопје[6]
По прославата од пет години од оформувањето, три студиски албуми и илјадници километри поминати за време на нивните настапи надвор од државата, скопското музичко трио „21Век” го одржале својот прв самостоен концерт во Денсинг салата на МКЦ на 1 септември 2023.[7]
Дискографија
уредиМузичкиот состав зад себе има три студиски албуми снимени во скопското студио „1060“:
- „1“ (2020),
- „2“ (2020) и
- „Си нацртав живот“ (2021).[2]
Песната „Ужасно ми фалиш“, прва на албумот „Си нацртав живот”(2021) се задржала долго време на репертоарот на домашните радио фреквенции, а токму албумот го добил епитетот како „највеселиот албум за тешките љубовни јадови”.[8]
Дополнителна литература
уредиНаводи
уреди- ↑ „Официјално мрежно место на 21 Век“. Архивирано од изворникот на 2023-11-29. Посетено на 2023-09-23.
- ↑ 2,0 2,1 „21 Век“.
- ↑ „Здраво млади - МКЦ“.
- ↑ „Промоција на албум - Винил“.[мртва врска]
- ↑ „МКЦ за Скопје“.
- ↑ „Настапи - 21 Век“. Архивирано од изворникот на 2023-11-29. Посетено на 2023-09-23.
- ↑ „Прв самостоен концерт на музичкото трио „21Век" во МКЦ“.
- ↑ „21 Век“.
Надворешни врски
уреди- Официјално мрежно место Архивирано на 20 септември 2023 г.
- Официјална Фејсбук страна