1 Солуњаните 1
1 Солуњаните 1 — првата глава на Првото послание до Солуњаните од Новиот завет на Библијата. Негов автор е Апостол Павле, кој веројатно го напишал во Коринт околу 50-51 г. и е упатен кон црквата во Солун, Македонија.[1] Оваа глава содржи предговор во кој Павле ја искажува благодарноста кон солунските верници.[2]
| 1 Солуњаните 1 | |
|---|---|
гл. 2 → | |
 Делчиња од посланието (1,3–2,1 и 2,6–13) на Папирус 65, III век. | |
| Книга | Прво послание до Солуњаните |
| Категорија | Павлови посланија |
| Во Библијата | Нов завет |
| Ред. бр. во Библијата | 13 |
Текст уреди
Изворниот текст можеби е напишан на коински грчки јазик. Главата е поделена на 10 стиха.
Ракописно сведоштво уреди
Еве некои рани раскописи во кои се содржи текстот на оваа глава:
- Папирус 46 (о. 200)
- Папирус 65 (III век)
- Ватикански ракопис (325–350)
- Синајски ракопис (330–360)
- Александриски ракопис (400–440)
- Ефремов ракопис (о. 450; постоечки стихови 2–10)
- Фриеров ракопис (о. 450; постоечки стихови 1–2, 9–10)
- Клермонтски ракопис (о. 550)
Предговор уреди
Во воведниот дел на писмото се споменува испраќачите, примачите, се испаќа поздрав и се пожелиува здравје и среќа.[2]
Стих 1 уреди
- Од Павле, Силван, and Тимотеј,
- До црквата на Солуњаните во Бог Отецот наш и во Господ Исус Христос:
- благодат вам и мир од Бог Отецот и Господ Исус Христос.[3]
- До црквата на Солуњаните во Бог Отецот наш и во Господ Исус Христос:
Испраќачите се претставуваат овде, како и во 1 Солуњаните 3,1-10.[2] Примач е „црквата (соборот) на солуњаните (која е) во Бог Отецот наш и во Господ Исус Христос“, со што авторот ја воведува темата на групна припадност во целото послание.[2]
Благодарност (1,2–10) уреди
Овој дел се состои од една долга реченица во која Павле вообичаено искажува благодарност во сите негови посланија по предговорот, со исклучок на Галатјаните.[2]
Стихови 2–4 уреди
- 2Секогаш Му благодариме на Бога за сите вас, сеќавајќи се на вас во молитвите наши, непрестајно, 3го споменуваме делото на вашата вера, трудот на вашата љубов и истрајноста во надежта ваша во нашиот Господ Исус Христос пред Бога и Отецот наш. 4Знаеме, возљубени браќа од Бога, дека сте избрани,[4]
- Делото на верата, делото на љубовта и истрајноста на надежта е исказ за тројство на верата, кое често се јавува во Павловите и подоцнежните посланија од Новиот завет (1 Солуњаните 5,8; Римјаните 5,1-5; 1 Коринтјаните 13,13; Галатјаните 5,5-6; Ефесјаните 4,2-5; Колосјаните 1,4-5; Евреите 6,10-12; 10,22-4 и 1 Петар 1,3-8), кое станува својоствено на Христовите следбеници, не само како теолошки доблести, туку особени одлики на групен идентиет, за солуњаните да можат да се маречат „луѓе кои се одликуваат со вера (во Христа), љубов и надеж“.[2]
Стихови 9–10 уреди
- 9Впрочем, верниците сами разгласуваат за нас, за нашето доаѓање кај вас, и како од идолите се обративте кон Бога за да Му служите на живиот и вистински Бог, 10и да Го очекувате од небесата Неговиот Син, Кого Тој Го воскресна од мртвите, Исус, Кој нѐ избавува од гневот што доаѓа.[5]
- „Да Го очекувате од небесата Неговиот Син“: следејќи го Павловото верување дека Исус Христос, кој е Син Божји, се овоплотил и неговата човечка природа страдала, па умрела за гревот на човештвото; Бог Отецот го воскреснал од мртвите и го вознел во небесата, каде сега престојува додека не дојде времето за да се исправат сите нешта, кога ќе се врати и праведно ќе му суди на светот.[6] Затоа, верниците во Солун треба да го очекуваат, и со верба да го чекаат да им донесе вечна слава и среќа.[6]
- „Исус, Кој нѐ избавува од гневот што доаѓа“: бидејќи верниците се оправдуваат со крва и праведноста на Исус Христос, тие ќе бидат избавени од сите казни на овој свет и свеот кој претстои.[6]
Поврзано уреди
- Мисијата на Апостол Павле во Македонија
- Ахаја
- Поврзани библиски глави: Матеј 3, Дела 1, Дела 4, Откровение 3
Наводи уреди
- ↑ Esler 2007, стр. 1199.
- ↑ 2,0 2,1 2,2 2,3 2,4 2,5 Esler 2007, стр. 1202.
- ↑ 1 Солуњаните 1,1, Стандардна библија на македонски, 2006 г.
- ↑ 1 Солуњаните 1,2-4
- ↑ 1 Солуњаните 1,9-10
- ↑ 6,0 6,1 6,2 John Gill's Exposition of the Entire Bible – 1 Thessalonians 1:10
Библиографија уреди
- Esler, Philip F. (2007). „71. 1 Thessalonians“. Во Barton, John; Muddiman, John (уред.). The Oxford Bible Commentary (I (мека корица). изд.). Oxford University Press. стр. 1199–1212. ISBN 978-0199277186. Посетено на February 6, 2019.
Надворешни врски уреди
- Глава 16 од Делата на светите апостоли — Стандардна библија на македонски, 2006 г.
- Глава 1 од македонска аудиокнига „Прво послание до Солунјаните на св. апостол Павле“ на YouTube