Батрахомиомахија

Батрахомиомахија (грчки: Βατραχομυομαχία, од βάτραχος, жаба, μῦς, глушец и μάχη, битка) или Битката на Жабите и Глушецот — комичен еп или пародија на Илијадата. Авторството се припишува на Хомер од страна на Старите Римјани, но според Плутарх ова е дело на Пигрес од Халикарнас, брат (или син) на Артемисија, кралицата на Карија и сојузник на Ксеркс. Некои научници денес сметаат дека е дело на анонимен поет од времето на Александар Македонски.

илустрација од германско издание на Батрахомиомахија од 1878 година

Содржина

Глушец кој пие вода од езеро го среќава кралот на Жабите, кој го кани кај него дома. Додека кралот Жаба плива преку езерото, Глушецот седи на неговиот грб, се среќаваат со страшната водена змија. Жабата нурнува под вода заборавајќи на Глушецот, кој се удавил. Друг Глушец кој ја видел оваа случка од брегот на езерото, трча да ги извести сите за ова. Глувците се вооружуваат и на кралот Жаба му испраќаат гласник дека стапуваат во војна. Жабите го обвинуваат својот крал, а овој го негира инцидентот.

Во меѓувреме, Зевс гледајќи дека се подготвува војна, им вели на боговите да заземат страни, и посебно Атена да им помага на Глувците. Атена одбива, велејќи дека глувците ѝ сториле досега многу штета. На крајот боговите решаваат да гледаат без да се мешаат. Битката започнува, и Глувците надвладуваат. Зевс ги повикува раковите на помош за да се избегне целосно уништување на жабите. Немоќни да се борат против оклопот на раковите, Глувците се повлекуваат, и еднодневната бвојна завршува на зајдисонце.

Надворешни врски

• Homer - Batrachomyomachia Архивирано на 24 јули 2011 г.
• Wiegran.de - Batrachomyomachia Архивирано на 14 октомври 2017 г.
• Βατραχομυομαχία - Greek Text