Шиндра
Шиндра[1][2] — кровна покривка од цепени дрвени штички, што се поставени една преку друга со преклоп. За шиндра најчесто се користи старо борово дрво (над 50 години) и тоа само делот од стеблото од коренот до еден метар висина. Во последно време се користи и помладо дрво, но импрегнирано.
Шиндрата се користи како покривка во сите делови на Европа каде што има многу четинари и каде има обилни врнежи, бидејќи може да се користи само за покривање покриви со голем наклон. Поради својата цена (шиндрата спаѓа во скапи покривни материјали), денес сè помалку се користат.
