Чинчорски Брег

Чинчорски Брег (шпански: Banco Chinchorro, Банко Чинчоро) ― атолски гребен што лежи на југоисточниот брег на општината Отон П. Бланко во Кинтана Рo, Мексико, во близина на Белиз. Бил прикажан во текот на полудокументарниот филм од 2009 година „Аламар“ на Педро Гонсалес-Рубио.

Ознаки
Рамсарско подрачје
Службен назив: Reserva de la Biosfera Banco Chinchorro
Прогласено:	2 февруари 2004
Број	1353

Наколни куќи о близина на југозападниот крај на Кајо Сентро на Чинчорскиот Брег.

Географија

Гребенот лежи во мексиканските води на 35 км од брегот, во Карипското Море, или околу 80 км источно од градот Четумал. Тоа е приближно 42.2 км долго од север кон југ и приближно 16 км широк во најшироката точка. Зафаќа површина од 800 км². Атолот има три острови, со вкупна површина од 6.7 км²:

1. Северен Кајо (Кајо Норте) (всушност две посебни островчиња) (0,9 км²)
2. Средиштен Кајо (Кајо Сентро) (5.6 км²)
3. Волчји Кајо (Кајо Лобос) (најјужен) (0,2 км²)

Природната вегетација на островите е во голема мера ризофорна во близина на брегот засенчена во отворени шуми на повеќе од 20 до 30 м од брегот. На најјужниот (и најголемиот) остров има резерват за американски крокодили. Островите (заеднички со многу изолирани тропски острови) се густо населени со мали ракови, кои се питоми и може ненамерно да бидат згазени од посетителите.

Некои од островите се населени со рибари, кои живеат во наколни куќи на околу 60 до 100 м од брегот, за да ги заобиколат месните прописи кои забрануваат приватна изградба.

Потонати бродови

Гребенот е дом на најмалку девет потонати бродови, вклучително и два шпански галеони. Имињата на познатите уништени парни бродови се: Калдера, Ескасел, Фет Стар, Џинџер Скру, Глен Вју, Пенелопез, Сан Андреас и Тропик.  Има и голем траект од Косумел кој бил усукан на Чинчорскиот Брег за време на ураганот Вилма. 

Надворешни врски

• Екосистем Собрание на Општина Отон П. Бланко

18°35′13″N 87°19′10″W