Четвороевангелие на цар Иван Александар

Четвороевангелие на цар Иван Александар (бугарски: Четвероевангелие на (цар) Иван Александър) е илуминиран ракопис, четвороевангелие, напишан и илустриран во 1355–1356 година за царот Иван Александар на Второто Бугарско Царство. Ракописот се смета за еден од најзначајните ракописи од средновековната бугарска култура, и се опишува како „најславното уметничко дело создадено во Бугарија пред падот под турско ропство во 1393“.

Минијатура од четвороевангелието на која е прикажан царот и царското семејство

Ракописот, кој сега се чува во Британската библиотека (Add. MS 39627), содржи текстови од четирите евангелија илустрирани со 366 минијатури и се состои од 286 листови од пергамент, со димензии 33 на 24.3 cm. Јазикот на кој е напишан ракописот се означува како бугарски, среднобугарски, словенски, и црковнословенски.