Црква „Св. Никола“ - Наколец

Свети Никола — главна селска црква во селото Наколец, Општина Ресен, Македонија. Се наоѓа во средиштето на селото. Во кругот на црквата се наоѓаат и селските гробишта.^[1]

Местоположба
Свети Никола

Поглед на црквата
македонска православна црква
Епархија	Преспанско-пелагониска
Архијерејско намесништво	Ресенско
Парохија	Подмочанско-љубојнска

Координати	40°53′34″N 21°06′20″E / 40.89278° СГШ; 21.10556° ИГД / 40.89278; 21.10556
Место	Наколец
Општина	Ресен
Држава	Македонија
Општи податоци
Покровител	Свети Никола
Изградба	1884
Архитектонски опис

Црквата била изградена во 1884 година, која е исклесана во камен над влезот од јужната страна.^[1]

Градба

Црквата „Св. Никола“ се наоѓа во средишниот дел на самото село. Сместена е во оградениот простор, заедно со селските гробишта.^[2] Според својата архитектонска градба се вбројува во типот на мали трикорабни псевдобазилики, со петтострана апсида на исток и доградени помошни простории крај западната фасада.^[2]

Црквата била изградена во 1884 година, што можеме да го дознаеме од натписот исклесан во камен над јужниот влез во црквата. Во внатрешноста на црквата се влегува од јужната страна и тоа низ еден влез кој води во наосот и еден, кон олтарскиот простор. Јужната фасада во поново време е измалтерисана, така што автентичниот опус на ѕидаријата може да се види само на источниот и северниот ѕид. Кровот е со едноставно решение на две води.^[2]

Фрескоживопис

Врз ѕидните површини на наосот и олтарскиот простор не се сочувале траги од постаро сликарство.^[2]

Можеби постоечкото сликарство од поново време со лош квалитет е нанесено токму врз постарите насликани партии, со што е нарушена автентичната содржина на црквата.^[2]

Иконостас

Наосот е издвоен од нартексот со ниска преграда, додека пред олтарскиот дел е иконостасот со три реда на икони. На иконостасот се икони работени од повеќемина анонимни мајстори.^[2]

Галерија

Влезот во црквата заедно со камбанаријата
Исклесаниот натпис за изградбата на црквата над влезот
Поглед на гробиштата
Новата камбанарија изградена во 1993 година

Поврзано

Наводи

↑ ^1,0 ^1,1 Јовановски, Владо (2005). Населбите во Преспа (PDF). Скопје: Ѓурѓа. стр. 212. ISBN 9789989920554. Посетено на 1 декември 2016.
↑ ^2,0 ^2,1 ^2,2 ^2,3 ^2,4 ^2,5 Палигора, Ристо (декември 2011). „Студија за манастирски туризам на Баба Планина“ (PDF). Битола: Центар за развој на Пелагонискиот плански регион. Архивирано од изворникот (PDF) на 2013-12-28. Посетено на 1 декември 2016.

Надворешни врски

Црква „Св. Никола“ - Наколец на Ризницата ^?

[книга-1] 1,0 ^1,1 Јовановски, Владо (2005). Населбите во Преспа (PDF). Скопје: Ѓурѓа. стр. 212. ISBN 9789989920554. Посетено на 1 декември 2016.

[студија-2] 2,0 ^2,1 ^2,2 ^2,3 ^2,4 ^2,5 Палигора, Ристо (декември 2011). „Студија за манастирски туризам на Баба Планина“ (PDF). Битола: Центар за развој на Пелагонискиот плански регион. Архивирано од изворникот (PDF) на 2013-12-28. Посетено на 1 декември 2016.

[1]

[2]