Црква „Св. Злата Мегленска“ - Загреб

Света Злата Мегленска — прва македонска црква во Загреб, Хрватска.

Местоположба
Света Злата Мегленска

Поглед на црквата
македонска православна црква
Епархија	Европска
Архијерејско намесништво	Јужноевропско

Координати	45°47′38.2″N 15°57′17.5″E / 45.793944° СГШ; 15.954861° ИГД / 45.793944; 15.954861
Место	Загреб
Држава	Хрватска
Општи податоци
Покровител	Света Злата Мегленска
Изградба	2014
Осветување	21 мај 2023
Архитектонски опис

Местоположба

Црквата се наоѓа во Загреб, во непосредна близина на Загребачката авенија.

Историја

Камен-темелникот за црквата бил поставен на 26 октомври 2014 година како прва македонска црква во Хрватска.^[1] Истата била осветена на 21 мај 2023 година од страна на архиепископот г.г. Стефан во сослужение со српскиот патријарх Порфириј.^[2] На осветувањето присуствувал и хрватскиот премиер Андреј Пленковиќ, кој го добил и највисокото одликување на Македонската православна црква, Орденот на Свети Климент Охридски, како знак за благодарност и искрено пријателство.^[3]

Архитектура

Црквата е дело на архитектите Зоран Бошевски, Борис Флолиќ, Жељко Голубиќ, кои се дел од Студио БФ, а била проектирана во периодот 2008-2009 година.^[4]

Бидејќи црквата е сместена до авенија со силен сообраќај, истата нема отворен пристап, туку преку перфориран ѕид се создава предворје, кое служи како заштитен двор.^[5]

Изгледот на црквата е во облик на квадратен волумен со цилиндричен свод кој се протега низ целата должина, а се дистанцира странично од ѕидовите и завршува во карпест иконостас.