Википедија

Црква „Рождество на Пресвета Богородица“ - Трновци

црква во селото Трновци

Рождество на Пресвета Богородица — главна селска црква во селото Трновци.[1] Црквата е сместена во крајниот југозападен дел од селото.

Рождество на Пресвета Богородица

Поглед на црквата

македонска православна црква
Епархија Преспанско-пелагониска
Архијерејско намесништво Битолско
Парохија Ивањевска
Местоположба

Карта

Координати 41°14′47″N 21°19′50″E / 41.24639° СГШ; 21.33056° ИГД / 41.24639; 21.33056
Место Трновци
Општина Могила
Држава Македонија
Општи податоци
Покровител Богородица Марија
Завршено 1883
Архитектонски опис

Историја уреди

Црквата е изградена во 1883 година, а била обновена по Првата светска војна во 1926 година, како и во 1980 година.[2]

Архитектура уреди

Градбата на црквата има правоаголна основа со полукружна апсида на источната страна. Главниот влез е сместен од западната страна, а на јужната има спроеден влез. Пред обата влеза има натстрешница. Во горниот дел од јужниот и северниот ѕид има по четири залачени прозорци со иста големина кои се поставени во линија. Објектот е изграден од варовник и е покриен со кров од ќерамиди. Со кров од ќерамиди се покриени и натстрешниците, додека апсидата е покриена со лимен кров.

Во дворот на црквата се наоѓаат камбанаријата, помошен објект, селските гробишта и базен за верски обреди. Камбанаријата е сместена во непосредна близина на главниот влез, од неговата страна. Таа има квадратна основа и е покриена со пирамидален кров од ќерамиди. Влезот е сместен на источната страна а над него се изрежани имињата на лицата заслужни за нејзината изградба. Во горниот дел на скоја страна од камбанаријата има по една бифора.

Галерија уреди

  •  
    Северната страна на црквата
  •  
    Црквата со камбанаријата
  •  
    Црквата со базенот за верски обреди
  •  
    Главниот влез на црквата
  •  
    Камбанаријата
  •  
    Резбата со имиња на камбанаријата
  •  
    Помошниот објект
  •  
    Ѕид на помошниот објект
  •  
    Селските гробишта
  •  
    Гробови во дворот на црквата

Поврзано уреди

Наводи уреди

  1. ↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 12. ISBN 978-608-65143-2-7.
  2. ↑ „Трновци Архивирано на 25 ноември 2018 г.“. Мој Роден Крај.

Надворешни врски уреди

Преземено од „https://mk.wikipedia.org/w/index.php?title=Црква_„Рождество_на_Пресвета_Богородица“_-_Трновци&oldid=5157817“