Црвенокапчест клукајдрвец

Црвенокапчест клукајдрвец (науч. Melanerpes rubricapillus) — птица од семејството на клукајдрвците (Picidae) која живее на просторот од југозападна Костарика, па јужно во Колумбија, Венецуела, Гвајаните и Тобаго.

Црвенокапчест клукајдрвец
female M. r. rubricapillus, Columbia
Заштитен статус
Незагрозен  (МСЗП 3.1)
Научна класификација [ у ]
Класа:	Птици
Ред:	Клукајдрвести
Семејство:	Клукајдрвци
Род:	Долгоклуни клукадрвци
Вид:	Црвенокапчест клукајдрвец
Научен назив
Melanerpes rubricapillus (Cabanis, 1862)

Птицата живее во шуми и кории. Се гнездиди во шуплини на дрва или големи кактуси. Женката несе по две јајца кои ги квачат двајцата родители и се испилуваат по 31–33 дена.

Возрасните единки се долги 20,5 см и тежат по 48 грама. На грбот и крилата имаат црно-бели риги, а задникот е бел. Опашката е црна со неколку бели пруги, а долната страна е бледокафеава.

Мажјакот има црвено „капче“ на темето и црвен тил. Кај женката истото „капчето“ е бледо кафеаво, а тилот е поблед. Младите единки имаат побледи бои, особено во црвените делови на главата и вратот.

Црвенокапчестиот клукајдрвец се храни со инсекти, но напати бере овошки и се храни со нектар.

Огласувањето кај двата пола е ѕвечкав звук крррррл.

• 
  Мажјак во Тобаго
• 
  Женка во Тобаго

Литература

• Hilty, Steven L. (2003). Birds of Venezuela. Princeton University Press. ISBN 0-7136-6418-5.
• ffrench, Richard; O'Neill, John Patton; Eckelberry, Don R. (1991). A Guide to the Birds of Trinidad and Tobago (2. изд.). Ithaca, N.Y.: Comstock Publishing. ISBN 0-8014-9792-2.

Надворешни врски

• Црвенокапчест клукајдрвец на Викивидовите ^?
• Црвенокапчест клукајдрвец — видеоснимки, слики и звуци на Семрежната збирка на птици
• Црвенокапчест клукајдрвец — галерија на слики на VIREO (универзитет „Дрексел“)

• За видот Црвенокапчест клукајдрвец — NeotropicalBirds, Универзитет „Корнел“ (англиски)

• Интерактивна ареална карта на Црвенокапчест клукајдрвец — Карти на МСЗП
• Аудиоснимки од Црвенокапчест клукајдрвец — Xeno-canto