Централен воен комитет (Кина)

Централниот воен комитет (ЦВК) (кин. [упр.] 中华人民共和国中央军事委员会; пинјин: Zhōnghuá Rénmín Gònghéguó Zhōngyāng Jūnshì Wěiyuánhuì) означува две одбранбени организации: едната на Комунистичката партија, а другата на самата НР Кина како држава.

Зградата „Првоавгустовска“ — дом на Министерството за одбрана на Кина и Централниот воен комитет.

Командата на Народноослободителната армија (вооружените сили на Кина) ја има државниот воен комитет, под надзор на Постојаниот комитет на Националното народно собрание. Државниот воен комитет номинално се смета за врховен воен орган, чиј врховен командант е претседателот, избран од Националното народно собрание. Во практика, со војската сепак заповеда партискиот воен комитет, кој е во состав на ЦК на партијата.

Обата комитета имаат ист состав, и со тоа претставуваат една иста организација со две улоги во владиниот и во партискиот систем. На чело на обете стои сегашниот претседател на државата, Си Ѓинпинг. Комитетот брои 11 члена и издава наредби за назначување на виши старешини, операции на војската и воено буџетирање. Речиси сите членови се старешини од висок чин, со исклучок на најважните функции, кои припаѓаат на врховното партиско раководство, со што се обезбедува верност кон државниот апарат.

Комитетот е сместен во зградата на Министерство за одбрана на Кина наречена „Првоавгустовска“.

Оранизација

Точната внатрешна организација на комитетот е недоволно позната бидејќи важи за голема тајна, но познато е дека има барем пет главни органи:

• Генералштаб
• Служба за правни работи
• Служба за наоружување
• Дисциплинска инспекција
• Служба за ревизија

Поврзано

• Министерство за одбрана на Кина
• Народноослободителна армија на Кина

Наводи

• „Централен воен комитет“. SinoDefence. Посетено на 21 ноември 2007. (англиски)
• „Кинеското собрание го поддржа премиерот, потпретседател на Воената комисија“. Сјинхуа. Посетено на 16 март 2008. (англиски)

Предлошка:Кинеска политика