Христо Стамболиев

Христо Стамболиев (Струмица, 13 јануари 1920 – 2 јули 1989) — македонски хемичар и универзитетски професор. Тој е еден од основачите на Технолошко-металуршкиот факултет во Скопје и прв декан на факултетот. Студирал на Техничкиот факултет во Белград, а дипломирал на Физико-математичкиот факултет во Софија во 1944 година. Работел во Институтот за геолошки истражувања, во Бирото за унапредување на производството и во Институтот за научни истражувања во индустријата во Скопје. На Техничкиот факултет во Скопје е асистент од 1949 година, а доцент од 1953 година, додека од 1959 година е на Технолошкиот оддел, а редовен професор е од 1966 година. Бил на повеќе студиски престои во Европа и во САД. На Технолошко-металуршкиот факултет во Скопје ја основа Катедрата за неорганска хемија. Директор е на Институтот за научни истражувања во индустријата на СР Македонија. Во 1984 година се пензионира. Работел во областа на неорганската хемија, хемијата и технологијата на силикатните материјали. Автор е на повеќе научни трудови, студии и проекти.