Хосе Бернардо Алседо

Хосе Бернардо Алседо (шпански José Bernardo Alzedo или понекогаш José Bernardo Alcedo (Алседо); 20 август 1788 – 28 декември 1878) ― перуански композитор.

Хосе Бернардо Алседо.

Алседо бил роден во Лима, Вицекралство Перу. Изучувал музика во манастирот „Св. Августин“ и, на 18-годишна возраст, го компонирал Миса во Д дур (Misa en Re Mayor). Во 1806 година тој бил доминикански фратар, но неговото однесување во овој религиозен ред било опуштено.

Алседо бил победник на натпреварот во 1821 година спонзориран од генералот Хосе де Сан Мартин за избор на национална химна на Перу. Оваа химна била „Somos libres, seámoslo siempre“ (Слободни сме, да бидеме секогаш), според зборовите на Хосе де ла Торе Угарте.

Во 1822 година Алседо отишол во Чиле како војник во воена група. Во Сантјаго ја напуштил војската и се посветил на музиката. Во 1833 година тој влегол во хорот на соборната црква во Сантјаго. Во 1846 година станал капелски челник. Тој престојувал во Чиле 40 години, а се вратил во Перу во 1864 година. Тој станал раководител на перуанскиот воен бенд и претседател на Филхармонијата. Последните години од животот ги поминал во Перу. Ја напишал книгата „Елементарна филозофија на музиката“ (Filosofía Elemental de la Música; 1869 година), каде ја истражувал темата за музиката на Кечуаните. Компонирал народни песни, бројни верски дела и воена музика.

Избрани дела

• „Somos libres, seámoslo siempre“, државна химна на Перу
• „Himno al 2 de mayo“, марш
• „Miserere“ (1872)
• „Misa en Re mayor“
• „Misa en Mi bemol“
• „Misa en Fa mayor“
• „Canción para la Batalla de Ayacucho“
• „Pasión para el Domingo de Ramos“
• „Pasión para el Viernes Santo“
• „La Araucana“, воена увертира за оркестар
• „La Chicha“, „La Cora“ и „La Pola“, популарни песни

Надворешни врски

• Националната химна испеана од Хуан Диего Флорез