Фреска на Свети Ѓорѓи (Зовиќ)

Фреска на Свети Ѓорѓи — фреска насликана на карпа кај приодот кон Камениот мост во непосредна близина на селото Зовиќ. На карпата е насликан Свети Ѓорѓи.

Карпата со фреската

Историја

Фреската потекнува од 1925 година, што е испишано заедно со имињата на дарителите, а претставува остаток од црква којашто во минатото постоела на тоа место. Живописот бил обновен во 2006 година од страна на НУ Завод и музеј Битола.

Опис

Живописот со приказот на Свети Ѓорѓи е сместен во правоаголна насликана рамка којашто во горниот дел е залачена. Рамката е насликана со лента од три линии — во средината е црвена којашто е најширока и е ограничена со потенка бела лента од внатрешната и црна од надворешната страна. Во средишниот дел е поставена фигурата на Свети Ѓорѓи со развиорена црвена како ја убива ламјата качен на бел коњ. Фонот на фреската е обоен во светлосина боја. Во долниот дел од фонот е претставен карпест пејзаж, а во горниот дел со бела боја на црковнословенски е испишана кратенка од името на светецот.

Поврзано

• Камен мост