Ушмал (јукатански мајански: Óoxmáal) бил мајански град кој датира од периодот од пред шпанската колонизација на Јукатан. Градот се наоѓа во сојузната држава Јукатан во Мексико.
Мајанските хроники укажуваат дека Ушмал бил основан во 500 година од Хун Уицил Чак Тутул Шиу. Со години Ушмал бил владеен од династијата Шиу која била меѓу најсилните кралски династии на Јукатан и заедно со Чичен Ица ги контролирале сите северни делови на мајанската империја. После 1200 година, според археолошките докази, не се направиле нови згради во Ушмал, најверојатно поради падот на моќта на Ушмал и на Чичен Ица а издигнување на Мајапан.
