Уметничка галерија Леди Левер

Уметничката галерија „Леди Левер“ (англ. Lady Lever Art Gallery) е галерија основана во 1922 од страна на индустрискиот магнат, виконтот Вилијам Левер, сопственик на фабриката за сапуни „Санлајт“ (Sunlight Soap), и е посветена во чест на неговата почината жена.

Уметничката галерија „Леди Левер“

„Жртвениот јарец“ од Вилијам Холман Хант

Галеријата е сместена во привлечното село Порт Санлајт во Мерсисајд, Англија, кое го изградил самиот лордот Левер. Позната е по тоа што содржи многубројни претставителни дела од британското сликарство од XVIII и XIX век, збирка од мебел од XVIII век, како и извонредна збирка порцелани од прочуениот изработувач „Веџвуд“.

Галеријата е прогласена за национална знаменитост од II класа, и претставува дел од здружената установа Национални музеи Ливерпул.

Збирка

Ликовната збирка на галеријата ги содржи, меѓу другото, и следниве дела:

• „Меурчиња“ (Bubbles)
• „Жртвениот јарец“ (The Scapegoat)
• „Кромвел на неговата фарма“ (Cromwell on his Farm)
• „Сон за минатото: Сер Изумбрас во бродот“ (A Dream of the Past: Sir Isumbras at the Ford)
• „Црниот брауншвајгер“ (The Black Brunswicker)

Поврзано

• Уметничка галерија „Вокер“

Надворешни врски

• Страница на галеријата „Леди Левер“ (англиски)
• Актуелности во галеријата „Леди Левер“ (англиски)
• Личен осврт со фотографии (англиски)
• Слики од Англија — поподробно на базата на податоци за класифицираните градби (215404) (англиски)