Трите сестри (ТВ-серија)
Трите сестри (турски: Üç Kız Kardeş) — турска телевизиска серија во жанрот драма и романса, произведена од Süreç Film, чија прва епизода била прикажана на 22 февруари 2022 г., во режија на Еда Тексоз, а по сценарио на Нилуфер Озчелик и Севги Јилмаз. Серијата е адаптирана од истоимениот роман на Иџлал Ајдин.[1][2] Серијата, составена од 3 сезони, завршила со својата 84-та епизода прикажана на 4 мај 2024 г.[3]
| Трите сестри | |
|---|---|
 Плакатот на македонски јазик | |
| Жанр | драма романса |
| Режирана од | Еда Тексоз |
| Улоги | Иџлал Ајдан Реха Озџан Озѓу Каја Алмила Ада Мелиса Бербероглу Беркер Ѓувен Ѓокберк Демирџи |
| Земја на потекло |  Турција |
| Првичен јазик | турски + македонски (синхронизација) |
| Бр. на сезони | 3 |
| Бр. на епизоди | 84 (Турција) |
| Производство | |
| Продуцент(и) | Али Ѓундогду Инџи Ѓундогду |
| Времетраење | 135 минути (Турција) |
| Прикажување | |
| Првична мрежа | Kanal D |
| Сликов формат | 576i (16:9 SDTV) 1080i (HDTV) |
| Звучен формат | стерео |
| Првично прикажување | 22 февруари 2022 – 4 мај 2024 |
| Надворешни врски | |
| Мрежна страница | kanald.com.tr/uc-kiz-kardes |
Серијата се прикажувала и во Македонија, на телевизија „Сител“ со македонска синхронизација.[4]
Содржина
уредиВо едно мало место крај егејскиот брег, започнува приказната за трите сестри. Срдечна и топла како што е и нивниот живот, како што е и нивното воспитување и безгрижните мигови минати по уличките во родниот крај, меѓу пријателите и соседите. Емотивна приказна за Туркан, Донуш и Дерја, три млади девојки што живеат среќно со својата мајка Несрин и таткото Садик. Но времето секогаш пишува своја историја, па така и годините што доаѓаат носат ветришта што засекогаш ќе ги променат судбините на овие сестри. Деновите кога трите сестри ги споделувале своите радости, својата среќа и младешки тајни се чини дека завршуваат. И ништо повеќе нема да може да ги врати тие дни.
Богатото семејство Корман ја бара раката на Туркан за нивниот син Сомер. Родителите прифаќаат, Туркан се мажи и заминува во замокот на Корманови, каде набрзо ќе сфати дека сонот што го сонувал одеднаш ќе стане вистински кошмар. Сомер не ја сака својата нова сопруга и не може да го прифати тоа што му е наметнато, а таа, невината Туркан ќе се соочи со болната вистина што воопшто нема да биде лесна. Нејзината свекрва по секоја цена ќе реши да го одржи тој брак, а презирот ќе стане мачен и неиздржлив за младата невеста. Таа ќе мора да ги промени нештата и само така да се избори за својата среќа. Среќата што ја имала во својата родна куќа, покрај своите родители и саканите сестри. Но тајната што долго време ја криеле родителите на трите сестри е на чекор да биде откриена. Сенките од минатото носат неочекувани пресврти во кои сестрите ќе бидат ставени пред нови искушенија, но и нови разочарувања.
Семејната приказна за „Трите сестри“ е заснована на познат бестселер напишан од турската писателка и глумица што во серијата го толкува ликот на мајката на трите сестри. Серија што за кратко време привлекла голем број обожаватели и успеала да ги спои животните драми во една безвременска телевизиска бајкa.
Наводи
уреди- ↑ Ensonhaber (2021-09-13). „İclal Aydın'ın 'Üç Kız Kardeş' kitabı dizi oluyor: Oyuncu kadrosu belli oldu mu, hangi kanalda yayınlanacak?“. Ensonhaber (турски). Посетено на 2024-07-20.
- ↑ Mynet. „Berker Güven, Üç Kız Kardeş dizisiyle ekranlara dönüyor!“. Mynet Magazin (турски). Посетено на 2024-07-20.
- ↑ „Üç Kız Kardeş dizisi final yapıyor“. Son Dakika (турски). 2024-04-04. Посетено на 2024-07-20.
- ↑ „„Трите сестри" заминуваат на летен одмор, но една од нив останува со вас | ТВ Пакет“ (англиски). 2024-07-12. Посетено на 2024-07-20.
Надворешни врски
уреди