Трети мај 1808
Трети мај 1808 (на шпански: El tres de mayo de 1808 en Madrid или Los fusilamientos de la montaña del Príncipe Pío,[1] или Los fusilamientos del tres de mayo) [2] е слика од шпанскиот сликар Франсиско Гоја која ја завршил во 1814 година, а денес се наоѓа во музејот Прадо во Мадрид. Во оваа слика, Гоја се обидел да го овековечи шпанскиот отпор кон Наполеоновите војски за време на Полуостровската војна. Оваа слика, заедно со неговото придружно дело со иста големина, Втори мај 1808, била нарачана од привремената влада на Шпанија на предлог на Гоја.
| |
| Творец | Франсиско Гоја |
|---|---|
| Година | 1814 |
| Димензии | 268 см × 347 см |
| Место | Прадо, Мадрид |
Содржината, презентацијата и емоционалната сила на сликата ѝ го даваат статусот на револуционерна, архетипска слика на ужасите на војната. Иако се заснова на многу извори од висока и популарна уметност, Трети мај 1808 претставува јасно отстапување од конвенцијата. Отстапувајќи од традициите на христијанската уметност и традиционалните прикази на војната, таа е без преседан и се смета како една од првите слики од модерната ера. [3] Според историчарот на уметност Кенет Кларк, Трети мај 1808 е „прва добра слика што може да се нарече револуционерна во секоја смисла на зборот, по стил, тема и намера“. [4]
Трети мај 1808 била инспирација за Џералд Холтом да го дизајнира знакот за мир и инспирација за многу подоцнежни значајни слики, како серија од Едуар Мане и Масакр во Кореја и Герника од Пабло Пикасо.
Наводи
уреди- ↑ Prado, p. 141. "The third of May 1808 in Madrid; the shootings on the Prince Pio Hill". See Príncipe Pío for the location.
- ↑ The Museo del Prado entitles the work El 3 de mayo de 1808 en Madrid: los fusilamientos en la montaña del Príncipe Pío [{{{1}}} Архивирано] на {{{2}}}.
- ↑ Licht, pp. 116–127.
- ↑ Clark, p. 130.