Трескавечки евхологиј (Требник)

Трескавечки евхологиј — македонски ракопис од втората половина на 13 век. Се чува во Јагелонската библиотека во Краков, сигн. БЈ932. Содржи 123 листа пишувани на пергамент и хартија (10 листа). Најголемиот дел од кодексот е грчко-словенски палимпсест. Ракописот е поврзан со книжевната дејност во манастирот Трескавец како и другите ракописи од збирката на Рудолф Гутовски (БЈ932-БЈ937 и БЈ940), којшто ги зел оттаму и ѝ ги подарил на Јагелонската библиотека во 1863 година.