Хатохобеј
Хатохобеј (тобиски и англиски: Hatohobei) — најјужна сојузна држава (покраина) во Палау. Оваа сојузна држава е составена од островот Тоби и Хеленовиот Гребен. Според уставот на Палау во оваа држава спаѓа и Транзитниот Гребен, најјужна географска маса на Палау, но сепак тоа се однесува на подводен песочен гребен. Вкупната површина на оваа сојузна држава е 0.88 км2. Овие острови, заедно со Сонсорол, ги сочинуваат Југозападните Палауански Острови.
| Хатохобеј Hatohobei | ||
|---|---|---|
| сојузна држава | ||
| ||
 Местоположба во Палау | ||
| Држава |  Палау | |
| Гл. град | Хатохобеј | |
| Површина | ||
| • Вкупна | 0,9 км2 (3 ми2) | |
| • Земјишна | 0,9 км2 (3 ми2) | |
| • Вода | 0 км2 (0 ми2) | |
| Население (2016) | ||
| • Вкупно | 40[1] | |
| ISO 3166 | PW-050 | |
Историја
уредиВо декември 2012 година државата претрпела силен удар и големи штети од тајфунот „Бофа“. Луѓето од Хатохобеј биле евакуирани во Акебесанг во Корор. Вкупно имало 41 лице од островот Тоби и 3 од Хеленовиот Гребен. По тајфунот, државата им дала земјиште на луѓето од Хатохобеј во Сонсорол и сега живеат таму, наместо на Тоби.
Демографија
уредиСпоред податоците од 2014 година, државата имала население од 40 жители, а историски гледано во 1962 година имала 80 жители, во 1995 имала 51 жител и во 2000 имала 23 жители. Службени јазици во оваа сојузна држава се англиски, тобиски и сонсоролски јазик.
| бр. | остров | сателитска снимка |
површина (км2) |
население 2016 | координати |
|---|---|---|---|---|---|
| 1 | Тоби (Hatohobei) | 
|
0.85 | 40 | 03°00′22″N 131°07′26″E / 3.00611° СГШ; 131.12389° ИГД |
| 2 | Хеленов Гребен (Hotsarihie) | 
|
0.03 | 3 | 02°57′N 131°47′E / 2.950° СГШ; 131.783° ИГД |
| 3 | Транзитен Гребен (Pieraurou) | - | - | - | 02°47′N 132°32′E / 2.783° СГШ; 132.533° ИГД |
| Хатохобеј | 0.88 | 43 |
Острови
уредиОстров Тоби
уреди
Островот има вкупна површина од 0.6 км2 и се наоѓа во сојузната држава Хатохобеј во Палау. Островот е еден од најјужните во државата, заедно со Хеленовиот Гребен и Транзитниот Гребен. Целата сојузна држава Хатохобеј има 43 жители според податоците од 2016 година, а на островот Тоби живеат 40. Останатите живеат на Хеленовиот Гребен. Сите во државата зборуваат на тобиски јазик. Вкупната должина на островот е 1.6 километри, а широк е 0.8 километри.[2] На островот се наоѓало селото Хатохобеј, кое било главен град на сојузната држава.
Хеленов Гребен
уреди
Хеленовиот Гребен (Hotsarihie) е на 70 километри источно од островот Тоби. Гребенот е всушност подводен атол, а само едно мало островче е видливо над водната површина. Атолот е долг 25 километри и широк е околу 10 километри. Лагуната на островот има вкупна површина од 103 км2, а вкупната површина на целиот атол е 163 км2. Влезот во лагуната е на западната страна. Јужно од каналот/ влезот се наоѓа Раун Рок, карпеста формација која повремено се суши. Лагуната има 85 видливи гребенести формации.
Кога има осека, водата од лагуната истекува од сите страни и тогаш гребенот е видлив. Само мал број делови од гребенот се постојано суви.
Единствениот остров од Хеленовиот Гребен е острово Хелен. Островот се наоѓа во северниот дел на гребенот и во споредба со гребенот островот е многу мал. Хеленовиот Остров е широк од 20 до 40 метри, а дол е 400 метри. Вкупната површина на островот е 0.03 км2. Островот не е населен. На островот има ренџерска станица која го заштитува гребенот. Таа работи во текот на целата година и има постојано 3 вработени лица. Од Европејците гребенот бил откриен во 1773 година од Фелипе Томпсон кој го именувал како „Сан Феликс“.[3]
Транзитен Гребен
уреди
Транзитниот Гребен (Pieraurou) на некои карти се позицинира на околу 50 километри источно од Хеленовиот Гребен. Овој гребен се именува како остров во уставот на државата и воедно е најјужна географска форма на државата. Како остров сепак е оспорен и често не се појавува во списоците на острови во овој регион на Океанија. Всушност, најверојатен опис е дека сепак името се однесува за подводен песочен масив.
Образование
уредиОбразовните активности и институции се дел од Министерството за образование на Палау. Во Хатохобеј има едно основно училиште кое е отворено во 1962 година и има еден наставник.[4] Децата од Хатохобеј своето средно образование го продолжуваат во Корор, каде се наоѓа единственото државно средно училиште.[5]
Наводи
уредиНаводи
уреди- ↑ [1]
- ↑ Основни информации за островот Тоби на англиски јазик.
- ↑ Brand, Donald D. The Pacific Basin: A History of its Geographical Explorations The American Geographical Society, New York, 1967, p.132.
- ↑ "Hatohobei Elementary School Архивирано на 17 септември 2017 г.." Ministry of Education (Palau). Посетено на February 22, 2018.
- ↑ "About Архивирано на 3 март 2018 г.." Palau High School. Посетено на February 22, 2018.
Надворешни врски
уреди- Проект Хеленов Гребен, Seacology