Тетовскиот говор
„Тетовскиот говор - Енциклопедиски речник и граматика на тетовскиот градски говор со етнолошки и историски осврти“ ― прва сеопфатна и детална енциклопедија која го опфаќа тетовскиот говор како преодна зона помеѓу вратничкиот говор северно од него и гостиварскиот говор јужно од него. Посебен осврт се дава на градскиот тетовски говор преку најдетално негово досега претставување на граматиката и богат речник со дури 9169 одредници богато поткрепени со етнолошки прикази, историски податоци, фотографии, врамени текстови, карти и графикони.[1][2]
 Корицата на „Тетовскиот говор“ | |
| Автор | Дарко Гавровски |
|---|---|
| Изворен наслов | Тетовскиот говор - Енциклопедиски речник и граматика на тетовскиот градски говор со етнолошки и историски осврти |
| Изработувач на корицата | Дарко Гавровски |
| Земја | Македонија |
| Јазик | македонски |
| Серијал | Тајните на Тетово |
| Жанр | Енциклопедија |
| Издавач | Дарко Гавровски |
Издадена | ноември 2020 |
| Страници | 648 |
| ISBN | 978-608-245-615-7 |
| Претходна | Тетовски древности |
Објавена е во 2020 година од авторот и долгогодишен истражувач на тетовското минато Дарко Гавровски.[3] Гавровски е автор и на енциклопедијата „Тетовски древности - Полог од праисторијата до 7 век н.е. со посебен осврт на тетовскиот крај“ објавена во 2009.[4]
Содржина на енциклопедијата
уреди- Кои се најстарите објави на народниот говор од Тетовско. Сите најстари објавени народни песни и текстови на тетовски говор.
- Поделба на говорите во Полог, со детална мапа и анализа со споредба помеѓу 71 изоглосна црта меѓу различните типови говор
- Детална граматика и анализа на фонетски и морфолошки одлики на тетовскиот градски говор
- Прв речник на тетовскиот градски говор каде се покриени 9169 одредници
- Одредниците во речникот се со етимологија на зборот, објаснување, честота на користење во последните 100 години и поврзаност со етнолошки и историски моменти кои се однесуваат на тој збор со вел да се начне во целоснатапоширока културолошка смисла на зборот
Технички детали
уредиОва дело е плод на децениско истражување на авторот на скоро 650 страни богат материјал, во голем Б5 формат (16,5 х 23,5 см) поддржан со:
- 3 карти целосно изработени од авторот и за прв пат публикувани овде, и особено за првпат објавена карта со градските топоними во Тетово
- Над 30 врамени текстови (text box-ови) со посебен осврт за одредени одредници
- над 350 фотографии
- над 300 фусноти со детална анализа на севкупниот материјал, но и над 2000 белешки за извори каде се споменуваат одредници.
- посебен индекс (тематски показател) каде голем дел на одредници се групирани по теми за истражување
- резиме на книгата на англиски јазик.
- за издавање на книгата користени се преку 650 наслови на книги, стручна периодика, компакт дискови, интернет страни, необјавена граѓа– сите тие детално прочешлани и буквално сè што се однесува на Тетовско - е поместено во оваа книга.
- Книгата е во луксузно енциклопедиско издание во боја и тврд повез
Наводи
уреди- ↑ Гавровски, Дарко (2020). „„Тетовскиот Говор" - ISBN 978-608-245-615-7“. gavro.com.mk. Архивирано од изворникот на 2021-06-04. Посетено на 2021-06-04.
- ↑ „„Тетовскиот говор" во библиотечната база на податоци на COBISS“. Архивирано од изворникот на 2021-06-04. Посетено на 2021-06-04.
- ↑ „Дарко Гавровски: Локалната историја е неисцрпен извор за истражување …“. archive.is. 2021-05-06. Архивирано од изворникот на 2021-05-06. Посетено на 2021-06-04.CS1-одржување: бот: непознат статус на изворната URL (link)
- ↑ Гавровски, Дарко (2009). „„Тетовски древности" - ISBN 978-9989-730-27-6“. gavro.com.mk. Архивирано од изворникот на 2021-06-04. Посетено на 2021-06-04.CS1-одржување: бот: непознат статус на изворната URL (link)
Надворешни врски
уреди- Книгата „Тетовскиот говор“ на Facebook
- „Тајните на Тетово“ Архивирано на 4 јуни 2021 г. — Гавро