Теогност Киевски

Теогност Киевски е христијански светец и митрополит на Киев во периодот од 1328 до 1353 година.

Теогност Киевски
Митрополит на Киев и цела Русија
Ракоположен	1328
Службата завршила	1353
Претходник	Петар Киевски
Наследник	Алексеј Московски во Москва Теодорит Киевски во Киев
Лични податоци
Починал	11 март 1353

Грк по потекло и преeмник на Петар Киевски. Според христијанската традиција тој страдал многу во монголската орда од Џинибек, затоа што бил наклеветен кај монголскиот цар наводно оти не му плаќал на царот никаков данок за својот чин. Кога царот го повикал и го прашал за тоа, тој рекол: “Христос нашиот Бог ја искупи Црквата Своја од незнабожците со чесната своја крв. Зошто сега да им плаќаме данок на незнабожците?” По ова бил пуштен на слобода. Управувал со црквата 25 години. Починал во 1353 година. Неговите мошти се наоѓаат во Катедралата на Успението во Москва. Од страна на Руската православна црква во текот на 19 век бил прогласен за светец и маченик.

Православната црква неговиот ден го чествува на 14 март.