Струмичка артилериска бригада „Гоце Делчев“
Струмичка артилериска бригада „Гоце Делчев“ — бригада на НОБ во Македонија.[1]
| Струмичка артилериска бригада „Гоце Делчев“ | |
|---|---|
| Активна | 8 октомври 1944 |
| Земја | Македонија |
| Вид | артилерија |
| Големина | ~ 350 борци |
| Битки | Завршни операции за ослободување на Македонија |
Историјат уреди
Артилериската бригада „Гоце Делчев“ била основана на 8 октомври 1944 година и истата била формирана од артилерци на сите единици на 50 македонска дивизија. Бригадата ја формирал поручник Андреја Русјаковски.[1] Командант на бригадата бил поручник Андреја Русјаковски, а капетан бил Иван Штериев. Политички комесар на бригадата бил Боро Камберовски, а негов помошник бил Боро Арсовски. [1]
Првично, бригадата била составена од две батерии од по 25 борци и немало артилериско оружје. Понатака, се приклучиле делови од бригадата „Гоце Делчев“ со целосен боречки и раководен кадар, заедно со оружје. Поради приливот на луѓе и оружје, бригадата била реформирана и составена од 2 батерии, прва и втора. Истите биле вооружени со 3 ридски и 4 противтенковски топа и имала околу 350 борци. Бригадата била дел од 50 македонска дивизија. [1]
Веднаш по формирањето, бригадата била поделена на два дела. Едниот дел бил под раководство на капетан Сапунџиев и заминале кон правецот Делчево-Штип-Кочани а другиот кон Берово-Струмица-Криволак, која пак била предводена од Александар Минчевски. По декември 1944 година, бригадата била префрлена во Скопје каде се споила со Првата македонска артилериска бригада. [1]
Наводи уреди
Поврзано уреди