Средишница. План
Средишница. План е шаховска книга, дел од творештвото на познатиот руски меѓународен мајстор и автор на шаховска литература Петар Романовски. Книгата е напишана во 1960 и е прво дело од двете посветени на средишницата (другото е Средишница. Комбинација, напишано во 1963). Во неа се коментирани и анализирани избрани шаховски партии од повеќе перидои од развојот на шаховската игра, како и извадоци од партии, во кои се посочени елементите и фазите при смислувањето на план, како неопходно средство за продолжување на борбата. Во ова дело, вниманието е обрнето на планот, неговата улога во развојот на партијата, како и неговото смислување и спроведување. Книгата е напишана на руски јазик.
 Корицата на книгата | |
| Автор | Петар Романовски |
|---|---|
| Изворен наслов | Миттельшпиль. План |
| Земја |  СССР |
| Јазик | руски |
Содржина уреди
Содржината на ова дело, пред сè претставува објаснување на планот како средство за продолжување на играта, неговите елементи, фазите во неговото смислување и спроведување и неговото значење во средишницата.
Доколку се анализира, неговата содржина, ова дело е поделено на две целини. Првата е веднаш по воведот и се однесува општо за планот, а втората содржи 8 глави, кои всушност преку избрани партии, го прикажуваат смислувањето на план во зависност од различниот карактер на позицијата.
Првата целина е поделена на 3 подгрупи: општа методика, поле и линија. Во општата методика е дадено објаснување на поимот план, неговот сфаќање и идејата потребна за неговото смислување. Во продолжението се споменуваат динамиката и хармонијата во играта, кои всушност се фактори кои влијаат на карактерот на планот. Во подгрупите поле и линија е извршена анализа на елементите, кои е потребно да се разгледаат при осмислувањето на планот. Така, овде се споменува значењето на слабиот пункт, „вечниот коњ“, слабите полиња по хоризонталите, како и отворените линии.
Во втората целина, извршена е подлабока анализа на фазите на планот и елементите, кои треба да се земат предвид, а за таа цел анализирани се повеќе партии, со различен карактер на критичните позиции, поделени во 8 глави:
- Глава I - Две победи на Вилхелм Штајниц, нивната творечка и техничка суштина
- Глава II - Фази на планот. Полето и линијата како клучни објекти на планот. Подготвителна фаза. Конкретизација на играта. Реализација на достигнувањата
- Глава III - Игра по „d“ вертикалата
- Глава IV - Центар. Неговото стратешко значење. Коњите на е5 и d5 (е4 и d4). Пешачки центар. Напад на централните пешаци. „Изолирани“ пешаци
- Глава V - Повеќе за активната игра на пешаците. Пешачки клинец и реакцијата врз него. Прооден пешак. Фаланга од пешаците „е“ и „f“. Пешачки јуриш
- Глава VI - Борба на тешките фигури
- Глава VII - Маневрирање. За иницијативата
- Глава VIII - Два ловца
- Глава IX - Положбена слабост - комбинационен мотив. Комбинации, искористување на слабостите во позицијата на рокада. Жртва на ловец за пешак на g3, h3, g6 и h6.
- Глава X - Комбинационен напад на два ловца. Хармонија на топот по втората и седмата хоризонтала. Жртва на топ на g7.
- Глава XI - Хармонија на топ и ловец. Заробување на фигурите
- Глава XII - Сведување на завршница во различни комбинациони идеи
- Глава XIII - За размислувањата на шахистите за време на шаховската партија
Стил на пишување уреди
Книгата е напишана на повисоко ниво и на читателот му овозможува мајсторски да го овладее осмислувањето на планот во шаховските партии. Содржината е составена и поделена на начин кој најпрвин овозможува запознавање на општите согледувања, а потоа нивно подлабоко набљудување. Од техничка гледна точка, анализата на партиите е проследена со дијаграми, на кои најчесто е претставена критичната позиција во партијата.
Поврзано уреди
Надворешни врски уреди
- Мрежно место на кое книгата може да се подигне во DJVU формат Архивирано на 6 декември 2008 г.