'''Свети Никола''' е стара средновековна црква во [[штипско]]то село [[Крупиште]]. Црквата сасе наоѓа на североисточниот излез од селото, под патот [[Штип]] – [[Кочани]], на десниот брег на [[Брегалница]]. Под црквата се откриени остатоци од старохристијанска базилика. Црквата Свети Никола е градба со скромни димензии, подигната од кршен камен со нееднаква големина и вградени делови од ранохристијанска пластика на која се испишани знаци и букви. Таа е еднокорабна, со полукружен свод и со полукружна апсида однадвор. Влезот е на западната страна. Во црквата се сочувани два натписа. На првиот пишува дека црквата е изградена во времето на епископот Макарие во [[1625]] година, а живописана во [[1627]] година, додека на вториот е забележан зографот [[Исаија Дебрели]] кој, во [[1880]] година, кога се претпоставува дека е доградена припратата на црквата со полукружен свод, истата ја насликал и извршил одредени интервенции врз фрескописот од наосот. Во фрескописот од припратата изработен од овој зограф се забележуваат ликоволикови облечени во современа носија.<ref>''Б. Алексова 1983, 85—00 и 1989, 18—3, 65—7''</ref><ref>''И. Микулчиќ TIR, 75—76''</ref>
