Обична леска: Разлика помеѓу преработките

 

==Распространетост и морфологија==

Обичната леска е [[грмушка]] којашто може да достигне височина од пет до седум метри, а расте во цела [[Европа]] и во [[Северозападна Африка]]. Најчесто расте во влажни, осојни места, но се култивира речиси во сите европски земји. [[Корен|Коренот]] на леската е плиток, кората е мазна и светлокафеава, пупките се јајцевидни со повеќе лушпи, младите гранчиња се црвенкасто-влакнести. [[Лисја|Лисјата]] на леската се сместени на кратки дршки, по форма се тркалезни или елипсовидни, а по рабовите се остро, пилесто назабени. Леската цвета пред пролистувањето, во периодот од [[февруари]] до [[април]], а нејзините цветови се во форма на реси. Машките реси се жолти и се формираат во текот на [[лето]]то претходната година, додека женските реси се покриени со лисни лушпи и се одделени од машките. Плодот на леската е во форма на оревче ([[лешник]]) и созрева во [[септември]] и во [[октомври]], а потоа брзо паѓа при што семката што се наоѓа во плодот може да се јаде.<ref>Илчо Захариев, „Леска (Corylus avellana)“, ''Штипски Мозаик'', март-април 2017, стр. 19.</ref>