Димитар Богоевски: Разлика помеѓу преработките

 

[[Податотека:Bista Mite Bogoevski, Ohrid.JPG|мини|Споменик на Богоевски во Охрид]]

 

==Биографија==

Во [[1937]] година станал член на [[СКОЈ]] во штотуку формираната скоевска група во училиштето. Во [[1939]] година станува член на [[Комунистичка партија на Југославија|Комунистичката партија на Југославија]], а подоцна е секретар на регионалниот комитет на КПЈ за Ресен. Поради својата револуционерна активност во [[1940]] година е уапсен од српската полиција и затворен во [[Белград]] на [[Ада Циганлија]]. Поради недостиг на докази е пуштен. Во [[1942]] година е уапсен од бугарска полиција во [[Ресен]]. По суровото мачење е ослободен.

 

По провалата на српската полиција, Богоевски бил уапсен на [[16 април]] [[1940]] година во Битола. Најпрво бил спроведен во затворот во [[Главњача]], а поради револуционерна активност во Белград бил осуден на робија во затворот [[Ада Циганлија]]. Во затворот, Богоевски бил подложен на сурова затворска тортура, но поради недостаток на докази бил ослободен кон крајот на 1940 година. Во [[ноември]] [[1940]] година, по два месеци поминати во затворот на Ада Циганлија, тој бил ослободен и се вратил во Ресен.

 

На почетокот на [[1942]] година, Богоевски како секретар на Околискиот комитет на КПЈ, најчесто соработувал со [[Стив Наумов]] од битолскиот крај. Во Битола одржал состанок со борците на [[Прилепскиот партизански одред]], по што им овозможил да преминат во Преспа. Следен од окупаторските власти, тој бил уапсен на [[31 март]] [[1942]] година, но во недостаток на докази за неговата активност, тој бил ослободен по десетина дена. По излегувањето од затвор, Богоевски преминал во илегала и продолжил да работи на формирање на нов одред. Богоевски учествувал во формирањето на [[партизанскиот одред „Даме Груев“]] на [[6 јули]] [[1942]] година, а кога одредот ја растурил планираната илинденска прослава на окупаторската власт во селото [[Смилево]], [[Битолско]], ја напишал песната „Триесет и девет минаја“, посветена на борците од овој одред.

 

==Творештво==

Богоевски напишал повеќе песни, но најголем дел од неговото творештво е изгубен.<ref>[https://www.slobodnaevropa.mk/a/24729416.html ''Не се знае каде е творештвото на Мите Богоевски'']</ref> Во 1935 година додека учел во Ресен за прв пат се претставил како поет и тоа со песните „Осамотен патник“, „Несреќен Илија“, „Покрај река“, „Мало коњче“ и „Два врапци“. Познат како „Момчето од Болно“, со изразити македонски национални чувства, пред малата матура ја рецитирал својата незачувана песна „Легенда за Македонските Славјани“, а слична била и незачуваната песна „Богомили“.

Постои сомнеж, дека по неговото самоубиство, околу педесеттина Македонски патриотски необјавени песни и роман се однесени во Бугарија. До денес во Македонија се зачувани неговите песни: „Сат“, „Ученичка тетратка“, „Покрај река“, „Висибаба“, „Спроти Илинден“ (1938), „Стојанка млада партизанка“, „Триесет и девет минаја“ (напишана по повод влегувањето на одредот „Даме Груев“ во с. [[Смилево]] на Илинден 1942 година), „Разделвачка“ (објавена во весникот „Наша реч“ во 1940 година) и др. Во [[1940]] година тој испратил голем број стихотворби во весникот „[[Наша реч]]“ во [[Скопје]], но била објавена само песната „Разделвачка“. Редакцијата имала намера да му издаде збирка со неговите песни, но во меѓувреме весникот престанал да излегува. Тогаш се изгубила целата архива на весникот, а со тоа и трагата на неговите песни. Во пролетта 1942 година, Богоевски ја напишал песната „Партизанка“, која и заедно со песната „Спроти Илинден“ ги размножил на машина. Подоцна „Партизанка“ станала една од најпопуларните народни песни во Преспанско.

 

 

== Надворешни врски ==

* [http://www.cybermacedonia.com/bmitebog.html Биографија на Мите Богоевски (на англиски јазик)]

 

{{ОСНОВНОПОДРЕДУВАЊЕ:Богоевски}}

[[Категорија:Дејци на КПЈ]]

[[Категорија:Македонски комунисти]]

[[Категорија:Македонски поети]]