Надворешна трговија: Разлика помеѓу преработките

 

Во [[2014]] година, вкупната надворешно-трговска размена на [[Македонија]] со светот изнесувала 12,2 милијарди [[долар]]и. Притоа, вредноста на македонскиот [[извоз]] изнесувала 4.933.845.000 долари, додека увозот достигнал вредност од 7.276.729.000 долари. Како последица на тоа, покриеноста на [[увоз]]от со извоз била само 67,8%, односно во трговијата со странство, Македонија остварила дефицит од 2.342.884.000 долари. Во однос на 2013 година, извозот пораснал за 15,6%, додека увозот се зголемил за 10,3%. Во вредноста на извозот, најголемо учество имале катализаторите, [[никел|фероникелот]], спроводниците за палење на возила, производите од [[челик]] и [[железо]], како и облеката. На страната на увозот, најмногу биле застапени: [[Нафта|нафтените деривати]], маслата од [[Битумен|битуменозни]] материјали, [[Платина|платината]] и нејзините легури и [[Електрична енергија|електричната енергија]]. Дури 76,6% од извозот бил наменет за земјите од ЕУ, а 14% отишол во земјите од [[Западен Балкан]]. Земјите од [[ЕУ]] доминирале и во вредноста на македонскиот увоз, со 63,5%. Најголеми трговски партнери на Македонија биле: [[Германија]], [[Британија]], [[Грција]], [[Србија]] и [[Италија]], кои учествувале со дури 51,7% во вкупната трговска размена.<ref>„Извозот лани поголем за 15,6 проценти“, ''Дневник'', година XIX, број 5685, петок, 6 февруари 2015, стр. 6.</ref>

 

== Наводи ==