'''Скијање на даска''' (или '''сноубординг''' од, {{lang-en|snowboarding}} = ''snow'', „снег“ и ''board'', „даска“) — зимски [[спорт]] кој се одвива на [[даска за скијање]] (''сноуборд''). Овој спорт спаѓа во групата на [[екстремни спортови]], што значи дека е опасен. Скијачот вози на даската налик на [[скејтборд]] но во [[скијање|скијачки]] облик, по [[снег]]. Спортот е измислен во [[САД]] во 1960-тите и 1970-тите, а станал [[Зимски олимписки игри|зимски олимписки спорт]] во [[1998]] година. Карактеристичен е, бидејќи на лицето кое управува со даската двете нозе му се прицврстени за неа, и мора да има извонредно чувство за [[рамнотежа]]. Обично овој спорт не се прави на долги патеки, туку на кратки но опасни патеки, проследени со ризични скокови на одредена висина, или над одреден предмет, а понекогаш се поминува со даската и по предметот.
