Методија Андонов-Ченто: Разлика помеѓу преработките

 

== Антифашизам ==

Уште на почетокот на бугарската окупација, на [[26 април]], Ченто добива покана да соработува со [[Бугарија|бугарските]] окупаторски власти. Тој ја одбива поканата и наместо тоа одбира да соработува со оние што се залагаат за ослободување на Македонија од нејзините нови окупатори. Неговата продавница за алкохол во [[Прилеп]] станува свртилиште на [[Комунизам|комунистите]] од градот, поради што бугарските власти во 1942 година го интернираат прво во селото [[Мелница]], близу бугарско-турската граница, а потоа во логорот „[[Чучулигово]]“, [[Петрич|Петричко]] ([[Пиринска Македонија]]).

 

 

== Учество во НОВ ==

На слободната територија во [[Дебарца]], Охридско, Ченто преминува во октомври [[1943]] година. Именуван е за член на Главниот штаб, а по основањето на [[Иницијативен одбор за свикување на АСНОМ|Иницијативниот одбор за свикување на АСНОМ]] станува негов претседател. Како дел од Одборот учествува во подготовките и организацијата на свикувањето на АСНОМ. На почетокот од мај [[1944]] година тој, [[Емануел Чучков]] и [[Кирил Петрушев]] заминуваат за [[Вис]] на средба со [[Народен комитет за ослободување на Југославија|Народниот комитет за ослободување на Југославија]] на чело со [[Јосип Броз Тито]]. Средбата се одржува на [[24 јуни]] при што македонската делегација го поставува прашањето за обединување на Македонија по ослободувањето од окупацијата. Тито начелно се согласува, но не смета дека тоа треба да биде непосредна задача.

 

 

== Судирот со новата комунистичка власт ==

Првите несогласици на Ченто со комунистите, особено со [[Светозар Вукмановиќ – Темпо]], почнуваат многу брзо по неговото преминување на слободна територија. Меѓу другото, Ченто упатува забелешки на содржината на [[Манифест на Главниот штаб|Манифестот на Главниот штаб]].{{факт}}