Атом: Разлика помеѓу преработките

Во [[физика]]та и [[хемија]]та, '''атомот''' (на [[Грчки јазик|грчки]] ''άτομον'' - неделив) претставува најмалата структурна честица на секој [[хемиски елемент]] (со тоа и на [[материја]]та) што ги има неговите карактеристични својства. Секој атом се состои од [[атомско јадро]] и [[електронска обвивка]]. Притоа, и во јадрото, а и во електронската обвивка се наоѓаат неколку типови на [[Елементарна честичка|елементарни честички]]: во јадрото се наоѓаат неутралните [[неутрон]]и и позитивно наелектризираните [[протон]]и (или ''позитрони''), додека во електронската обвивка се наоѓаат негативно наелектризираните [[електрон]]и (односно ''негатрони''). Сите овие елементарни честички играат голема улога при идентификувањето на атомите, како и при нивното [[Хемиска врска|поврзување]] со други атоми од ист или различен хемиски елемент (род).

 

Уште од времето на [[Античка Грција|старогрчките]] философи луѓето размислувале од што и како е изградена материјата. Постоеле две групи на философи, од кои едните сметале дека материјата може бесконечно да се дели на помали делчиња, а другите сметале дека постојат најмали делчиња од [[супстанција]]та кои понатаму не можат да се делат. Позначајни философи кои се занимавале со оваа тематика се [[Аристотел]], [[Левкип]] и [[Демокрит]].