Соња Кастл (14 јули 1929 година) е југословенска глумица.

Биографија уреди

Детство и младост уреди

Потекнува од еврејско буржоаско семејство. Таткото Ѓуро бил архитект, а мајката Јосипа била оперска пејачка која нагло ја прекинала кариерата поради неодобрувањето на нејзиниот сопруг и неговото семејство.

Образование и кариера уреди

Започнала да танцува на петгодишна возраст во Ритмичкото училиште „Мирјана Јанечек Стропник“, а како ученичка танцувала во театарот „Детска империја“ на Тито Строциј и Младен Широла и „Кралицата на куклите“. Се школувала во Загреб кај Мерцедес Павелиќ, Маргарита Фроман и Милорад Јовановиќ. Професионалната кариера како балерина ја започнала во 1945 година во балетот на операта во Загреб, а во 1947 година танцувала соло улоги. Настапувала во балети како „Заспаната убавица“, „Балада за средновековна љубов“, „Ромео и Јулија“, „Пепелашка“, „Масакрот на амазонки“, „Прекрасен мандарински“, „Ѓавол во село“.

Својата единствена филмска улога Соња ја одиграла во филмот „ Застава“, каде го толкувала ликот на младата и перспективна балерина Марија. Соња ја напуштила кариерата како танчерка на 35 години, поради повреда на коленото. Набргу потоа станала директорка на Балетот на Хрватскиот народен театар во Загреб (ХНК). Следните 40 години се занимавала со кореографија. Кореографирала самостојно, во земјата и во странство. Била и директорка на балетот во Клагенфурт, Австрија.

Во 2007 година била објавена нејзината монографија „Танцување значи живеење“, напишана од пејачот и публицист Давор Шопф и танчерот и балетски критичар Младен Мордеј Вучковиќ.

Приватен живот уреди

Од вториот брак со докторот Борис Цимерман ја добила ќерката Мирјана, која на 22-годишна возраст загинала во сообраќајна несреќа.

Надворешни врски уреди