Славица Јанешлиева

Славица Јанешлиева (1973) во Скопје, е редовен професор на Катедра по графика и трансмедиумски практики, на Факултетот за ликовни уметности, Универзитет „Св. Кирил и Методиј“ во Скопје.

Славица Јанешлиева
Роден	1973 Скопје, СР Македонија,
Националност	Македонка
Занимање	ликовен уметник, професор

Славица Јанешлиева (2019)

Животопис

Дипломирала на Факултетот за ликовни уметности во Скопје, отсек графика, во класата на проф. м-р Зоран Јакимовски. Магистрирала на истиот факултет, под менторство на проф. м-р Димитар Малиданов, на област графика. Докторирала на Филолошкиот факултет „Блаже Конески“, под менторство на проф. д-р Владимир Мартиновски, на Катедра за компаративни студии, на тема „Интермедијалните транспозиции на книжевните дела во женското ликовно писмо кон крајот на 20-от и во 21-от век“. Продекан на Факултет за ликовни уметности, УКИМ во Скопје. Раководител на Катедра по графика, ФЛУ, УКИМ Декан на Факултет за ликовни уметности, УКИМ во Скопје.

Творештво

Таа е визуелна уметница со изразен мултимедијален и интермедијален пристап. По образование е графичар, но нејзиниот препознатлив исказ и исклучителна дарба за визуелна нарација ги пренесува преку различни медиуми: графика, објект, уметничка инсталација, цртеж, фотографија, видео, уметничка книга итн.

Нејзините дела се изложувани на жирирани и курирани национални и меѓународни изложби низ целиот свет (28 самостојни изложби и над 270 групни изложби).  

Награди

Добитник е на повеќе меѓународни и национални награди и признанија, а дел од нејзиното творештво збогатува значајни колекции во земјата и странство. Живее и работи во Скопје, како редовен професор на Катедра по графика на Факултетот за ликовни уметности (УКИМ).