Скакаличко Езеро
Скакаличко Езеро е едно од 27-те природни леднички (леднички) езера на Шар Планина. Сместено е на надморска височина од 2258 метри[1] на самото подножје под врвот Скакало според кој се нарекува целиот околен предел и шарски гребен. Езерото има длабочина од околу 1.60 метри. Водата е проѕирна, бистра и беспрекорно чиста но доста студена. Дното на езерото е целосно составено од тиња и песок, па поради малата длабочина од далеку езерото изгледа и има бела боја заради што од местното албанско население се нарекува и Jezeri i Bardh (Бело Езеро). Веднаш над самото езеро има силен и студен извор, а од езерото истекува Скакаличка Река која е лева притока на Пена и се влева во нејзиното горно изворишно подрачје помеѓу пределите Бабасаница и Рафша над селото Бозовце.
| Скакаличко Езеро | |
| |
|
Грешка во Lua во package.lua, ред 80: module 'Module:Infobox dim' not found | |
| Длабочина | 1.60 м |
| Надморска висина | 2.258 м |
| Планина | Шар Планина |
Галерија
уреди-
Глетка од Скакаличкото Езеро -
Скакаличкото Езеро и врвот Скакало -
Водите на Скакличкото Езеро
.JPG)
Наводи
уреди- ↑ Топографска карта: лист Призрен 4-3 (Вешала), размер 1:25 000, Военогеографски институт, 1973