Принцезата на зрно грашок

„Принцезата на зрно грашок“ (дански: Prinsessen paa Ærten) — сказна на Ханс Кристијан Андерсен од 1835 година.

„Принцезата на зрно грашок“
од Ханс Кристијан Андерсен
Илустрација на Едмунд Дилак (1911)
Изворен наслов	Prinsessen paa Ærten
Држава	Данска
Јазик	дански
Жанр(ови)	книжевна сказна
Издавачка куќа	К. А. Рајцел
Вид на медиум	печат
Датум на издавање	8 мај 1835

Содржина

Еден принц сакал да се ожени, но барал вистинска принцеза. Тој го обиколил целито свет, но никако не можел да најде соодветна невеста, зашто на сите принцези им недостасувало по нешто. Една вечер, додека надвор беснеел пороен дожд, некој почнал да тропа на портата на дворецот. Кралот отворил и здогледал девојка која побарала преноќиште, но тврдела дека е вистинска принцеза. Тогаш, умната кралица ја наместила постелата со 20 душеци и 20 перници, а најдолу ставила едно зрно грашок. Утредента, кога ја прашале принцезата како спиела, таа се пожалила дека не ѝ било удобно, зашто под постелата имало нешто. Така, сите се убедиле дека таа е вистинска принцеза и принцот се оженил со неа, а зрното грашок го однеле во музејот.