Под сомнение

„Под сомнение“ (српски: Под сумњом) — филм на режисерот Бранко Белан од 1956 година. Автор на музиката е Бојан Адамич, а главните улоги ги играат: Милорад Маргетиќ, Тамара Милетиќ и Мирко Војковиќ.

Синопсис

Иако припаѓа на богато семејство на бродосопственици, Андро Наранчиќ му се придружува на движењето на отпорот против окупаторот. Затоа, тој завршува во заробенички логор во јужна Италија. Летото 1943 година, Андро успева да побегне, заедно со тројца мештани, но само тој преживува и се враќа во своето родно место на еден далматински остров. Таму, Андро е под сомнение дека соработувал со окупаторот и дека е ослободен од логорот поради доброто однесување. Навистина, Зане Моро, кој е дел од окупаторската власт и сопруг на една негова тетка, средил Андро да биде ослободен од логорот, меѓутоа Андро бега пред да дојде неговото помилување. Бидејќи на Моро не му е интерес да се дознае за бегството на Андро, тој намерно ја проширува веста дека тој е ослободен од логорот. Истовремено, и локалните членови на движењето на отпорот се сомневаат во Андро поради неговото буржоаско потекло. Андро успева да премине на ослободената територија со помош на неговата девојка, учителката Вероника, меѓутоа Шибам командантот на партизанскиот одред, е љубоморен на Андро и настојува да го посрами...