Пагански времиња
Пагански времиња – македонски роман напишан од Драги Михајловски. Романот е објавен во 2019 година во издание на Просветно дело.[1] Изданието на книгата е потпомогнато од Министерството за култура на Македонија[2]
| Автор | Драги Михајловски |
|---|---|
| Изработувач на корицата | Билјана Василева |
| Земја |  Македонија |
| Јазик | македонски |
| Жанр | историски, социјален |
| Издавач | Издавачка куќа Просветно дело |
Издадена | 2019 |
| Медиум | печатено издание, 140 х 210 mm |
| Страници | 328 |
| ISBN | 978-608-228-393-7 |
Делото е пишувано на неформален и чист македонски јазик со богати авторски изрази и зборови.
Содржина
уредиДејството се случува на македонско тло, а се споменуваат неколку локации, меѓу кој и родното огниште на авторот – Битола. Теодор Цакиќ, главниот антагонист во „Пагански времиња“, е од село Бродец – Скопска Црна Гора, кој во разговор со Смртта успева да ја надитри и оттогаш луѓето стануваат бесмртни. За својата бесмртност најмногу се радуваат стариците и старците, како што ги именува авторот, односно луѓето што ја надминале старосната граница од седумдесет години.
Стариците и старците, свесни за новонастанатата ситуација, добивајќи нови сили и храброст, ги напуштаат старечките домови и тргнуваат во поход на одмазда. Одмазда за поинакво минато. Одмазда заради неправдите. Но, кому, зошто и за што сакаат да се одмаздат? На што сè се подготвени луѓето кога смртта не може да ги убие затоа што е врзана за дрвото на Теодор Цакиќ од село Бродец?
Следува едно доста шаренолико сиже за Господ и судирот на религиите. Ова е фабула со многу богата фантазија, напишана налик македонска народна приказна и раскажана од наратор интелектуалец, кој во еден момент ќе го обожавате, а во следниот ќе сакате да го искарате затоа што користи неколку повторувачки книжевни клишеа, кои, секако, имаат своја улога, влијание и вредност во ова литературно дело.[3]
Наводи
уреди- ↑ „Пагански времиња“. Просветно дело. Посетено на 1октомври 2022. Проверете ги датумските вредности во:
|accessdate=(help)[мртва врска] - ↑ Михајловски, Драги. Пагански времиња. Скопје: Просветно дело. стр. 2. ISBN 978-608-228-393-7. Укажано повеќе од еден
|pages=и|page=(help);|access-date=бара|url=(help) - ↑ „Пагански времиња“. Фејсбук. Посетено на 1 октомври 2022.