Опсада на Трново (1393)

Опсадата на Трново се одвила во пролетта на 1393 година помеѓу Османлиското Царство и Бугарија. Битката резултирала со заземање на градот од страна на Османлиите. Со падот на престолнината, територијата на Трновското царство се ограничила на само неколку тврдини по Дунав.

Османлиско-бугарски војни
Датум април - 17 јули 1393 Место Трново , Бугарија Исход Османлиска победа
Завојувани страни
Бугарска империја	Османлиско Царство
Команданти и водачи
Патријарх Евтимиј од Бугарија	Челеби
Сила
непознато	непознато
Жртви и загуби
непознато	непознато

Трново како престолнина на Второто Бугарско Царство бил најголем град во државата. Освен тоа, тој бил и економски најразвиен град. Во пролетта на 1393 година, Бајазит I му наредил на својот син Челеби, да поведе воен поход за освојување на престолнината на Бугарија. По престигнувањето пред портите на градот, тој бил обиколен од своите четири страни. Османлиите наредиле на бранителите на градот да се предадат. Сепак, населението не се согласило со ова, по кое започнале нападите.

По тримесечната војна и опсада, градот бил предаден. Црквата “Воскресение Христово“ била претворена во џамија, а останатите биле срушени до темел. Голем дел од месното население било или убиено или продадено како робови.