Опсада на Трапезунт (1205–1206)

Опсадата на Требизон од 1205 до 1206 година ― обид на селџучкиот Римски Султанат да го заземе градот покрај брегот на Црното Море. Вилијам Милер ја објаснува оваа акција како казна за „непослушноста на Алексиј кон неговите [на Кајхосров I] заповеди“.

Опсада на Трапезунт
Дел од римско-селџучките војни
Датум 1205-1206 Место Трапезунт, Трапезунтска Империја Исход Трапезунтска победа; Селџуците не успеваат да го освојат градот
Завојувани страни
Трапезунтска Империја	Римски Султанат
Команданти и водачи
Алексиј I Трапезунтски	Кајхосров I

Мишел Куршанскис објаснува дека оваа неуспешна опсада била одговор на трапезунтинскиот сојузник, кралицата Тамар Грузиска, која се обидела да го заземе Ерзурум во 1205 година, но не успеала. Кога султанот Кајхосров ја започнал својата казнена кампања против Трапезунт, тој открил дека неговата рута е ограничена на неколку премини во Понтиските Алпи каде неговите сили биле малтретирани од месното население. Понатаму, Алексиј можел да одговори на неговите напади со „затворање на морето“ за сите трговци, кои не можеле ниту да патуваат на Крим ниту да се вратат оттаму. Според Али ибн ал-Атир, трговците од целиот Близок Исток претрпеле сериозна повреда поради неговата опсада на Трапезунт, и кога се сретнале на големиот панаѓур во Сивас, со гласни извици ги доставиле своите поплаки до султанот.

Куршанскис тврдел дека неуспехот на оваа опсада довел до подоцнежно успешно заземање на Синопа во 1214 година, што им обезбедило на Селџуците излез до Црното Море.