Носии од Солунско Поле
Народните носии од Солунско Поле се надоврзуваат на носиите од Пазарско. Во селата источно од Солун во составот на народната носија влегуваат: кошула со специфичен вез од бела и кафена свила, платнена саја и безракавна облека од црн шајак, украсена со апликации од разнобојна чоја. Невестите носеле мала плитка капа, покриена со везена марама и метален накит под брадата.
