Никола Даскалов

Никола Даскалов (1877-1903) — македонски револуционер, член на МРО / ТМОРО.

Никола Даскалов
Роден	1877 Разлог
Починал	1903

Животопис

Роден е во градот Мехомија (Разлог). Завршил духовна богословија во Цариград. Во 1901/02 година бил назначен за учител во градот Неврокоп (Гоце Делчев). Учителствувал и во градот Скопје.

Бил избран за член на скопскиот окружен комитет на ТМОРО во 1902 година. Во окружниот комитет бил назначен за благајник. Со почетокот на Илинденското востание, решил да стане нелегален и да и се придружи на четата на војводата Никола Пушкаров. Движејќи се од село во село во потрага по четата, паднал во заседа и загинал во судир со турската војска.