Низ брановите

„Низ брановите“ (англиски: Breaking the waves) — филм на режисерот Ларс фон Триер од 1996 година. Главните улоги ги играат: Емили Вотсон, Стелан Скарсгард и Катрин Картлиџ.

Емили Вотсон доби признание од критиката за нејзината изведба на Бес Мекнил.

Синопсис

Дејствието на филмот се одвива во една конзервативна и многу религиозна заедница во северна Шкотска. Наивната, млада жена Бес Мекнил се заљубува во работникот Јан. Тие се сакаат искрено, но кога Бес му се моли на Бога за Јан да ѝ се врати засекогаш по завршената работа, тој навистина се враќа, но со скршен врат. Како последица на несреќата на работното место, тој е целосно парализиран. Бидејќи повеќе не можат да имаат полови односи, Јан ја убедува Бес да најде љубовник. Со текот на времето, Бес станува сè поразвратна и верува дека со нејзините постапки управува Господ со цел да оздрави Јан.