Муратов Врв (Огражден)

Муратов Врв (бугарски: Муратов връх) — врв на планината Огражден сместен од страната на Петричко, Пиринска Македонија, недалеку од границата со Македонија. Се издига на висина од 1.398 м на главното планинско било југозападно од врвот Голак, од кој е одвоен со долината на реката Градешница. Врвот има конусен обли. Сртот е овенчан со множество карпести облици. Сочинет е од метаморфни карпи. Почвата е кафеава шумска. Врвот е обраснат со планинска тревна растителност. Северните, северозападните и западните падини се покриени со букови шуми, а источните и јужните се пошумени со бел бор. Во југоисточното подножје на Муратов Врв се наоѓа селото Кукурахцево.

Муратов Врв
Муратов връх
Поглед на Муратов Врв од северозапад
Највисока точка
Надм. вис.	1.398 м
Координати	41.4775° СГШ; 22.9769° ИГД / 41.4775; 22.9769
Друго име	Муратов връх
Географија
Муратов Врв на интерактивна карта
Место	Петричко, Пиринска Македонија
Матичен венец	Огражден

Искачување

Главно приоднос место за искачување на врвот е селото Гега, до кое оди асфалтиран пат. За време на т.н. „Преродбен процес“ на НР Бугарија врвот е преименуван во Игуменец, но ова име не успеало да се наметне врз мештаните и посетителите.

Поврзано

• Голак