Михаил II Асен (бугарски: Михаил II Асен; ок. 1239 – декември 1256/јануари 1257)[a] бил цар на Бугарија од 1246 до 1256 или 1257. Тој бил син на Иван Асен II и Ирина Комнина Дукина. Тој го наследил на престолот неговиот полубрат Калиман I Асен. Бидејќи сè уште бил дете кога стапил на престолот, во негово име владеела неговата мајка.

Михаил II Асен
Цар на Бугарија
На престол1246–1256/1257
ПретходникКалиман Асен I
НаследникКалиман Асен II
Роден(а)ок. 1239
Починал(а)декември 1256/јануари 1257
ТаткоИван Асен II
МајкаИрина Комнина Дукина

Јован III Дука Ватац, императорот на Никеја, и Михаил II од Епир ја нападнале Бугарија набргу по стапувањето на Михаил на престолот. Ватац ги освоил тврдините покрај Вардар; а Михаил Епирски - западна Македонија. Во сојуз со Дубровничката Република, бугарските војски навлегле во Србија во 1254, но не можеле да окупираат српски територии. По смртта на Ватац, териториите освоени од Никеја повторно биле заземени, но синот на Ватац и негов наследник, Теодор II Ласкарис, започнал успешна контраофанзива, принудувајќи го Михаил да потпише мировен договор. Набрзо по потпишувањето на договорот, незадоволните болјари (благородници) го убиле Михаил.