Меѓународен ден за превенција на експлоатација на животната средина во војна и вооружени конфликти
Меѓународниот ден за спречување на експлоатација на животната средина во војна и вооружени конфликти е меѓународен ден кој се одбележува секоја година на 6 ноември.[1][2] Меѓународниот ден за спречување на експлоатација на животната средина во војна и вооружени конфликти бил воспоставен на 5 ноември 2001 година, од страна на Генералното собрание на Обединетите нации, за време на мандатот на Кофи Ата Анан како генерален секретар, со одлука на 56-то заседание на Генералното собрание на ОН (резолуција № A/RES/56/4).[3]
| Меѓународен ден за превенција на експлоатација на животната средина во војна и вооружени конфликти | |
|---|---|
 | |
| Го празнува(ат) | Членки на ОН |
| Почнува | 2001 |
| Датум | 6 ноември |
Како што е наведено во резолуцијата, при донесувањето на оваа одлука, земено е предвид дека влошувањето на екосистемот се забележува долго време по прекинот на конфликтите, и влијае на повеќе од една генерација. Резолуцијата ги повикува државите и меѓународните организации да го прослават овој ден, бара од генералниот секретар да обезбеди спроведување на оваа резолуција и да го промовира ширењето на информации за неа. Во својата порака во 2005 година, генералниот секретар на ОН изјавил дека елиминирањето на еколошката штета предизвикана од војната е важна задача на ОН.
По војната во Југославија, персоналот на Програмата за животна средина на Обединетите нации исчисти четири хемиски контаминирани локации во Србија и Црна Гора.
Во порака во 2005 година генералниот секретар на ОН изјавил дека месопотамиските мочуришта на Ирак и Иран до 2002 година биле речиси целосно уништени и стотици илјади луѓе ги напуштиле своите домови. До 2005 година, во соработка со локалните заедници, 40 отсто од мочуриштата беа поплавени, со што 80.000 луѓе можеле да се вратат во своите домови.
Во својата порака во 2006 година, генералниот секретар на ОН изјавил дека и покрај постоењето на одредени меѓународни договори, генерално, еколошките последици од војната се игнорираат во современите закони.
За ова одбележување, генералниот секретар Бан Ки Мун изјавил: „Мораме да ги искористиме сите алатки што ни се на располагање, од дијалог и посредување до превентивна дипломатија, за да ја спречиме неодржливата експлоатација на природните ресурси за поттикнување и финансирање вооружени конфликти и дестабилизација на кревките темели на мирот“.[4]
Наводи уреди
- ↑ „International Day for Preventing the Exploitation of the Environment in War and Armed Conflict“. United Nations (англиски). Посетено на 2021-07-05.
- ↑ „Significance of International Day for Preventing the Exploitation of the Environment in War and Armed Conflict“. www.timesnownews.com (англиски). Посетено на 2021-07-05.
- ↑ „A/RES/56/4 - E - A/RES/56/4 -Desktop“. undocs.org. Посетено на 2021-07-05.
- ↑ „Secretary-General's message for the International day for Preventing the Exploitation of the Environment in War and Armed Conflict [scroll down for French version] | United Nations Secretary-General“. www.un.org. Посетено на 2021-06-23.