Меру (планина)

Меру (свахили: Mlima Meru, англиски: Mount Meru) — активен вулкан што се издига 70 км западно од планината Килиманџаро во Танзанија, од која може да се види на ведар ден. Со височина од 4.566 м, Меру е десетта планина по височина во Африка. Планината изгубила голем дел од масата пред околу 8.000 години со голема ерупција во источен правец, слична на онаа на Сент Хеленс во Вашингтон во 1980. Последната ерупција на Меру се случила во 1910 и била од мал обем. Неколкуте мали конуси и кратери во близината укажуваат на разни епизоди на активност во историјата на вулканот.

Меру
Планината Меру (2002)
Највисока точка
Надм. вис.	4566 м
Заведена како	ултра
Географија
Меру на карта
Геологија
Вид	стратовулкан
Последен избув	1910
Искачување
Прво освојување	1904 (Фриц Јегер)
Најлесен пат	планинараска патека

Меру е најистакнатото природно обележје на националниот парк Аруша. Под плодното подножје се простира савана, а самите падини се шумовити и богати со најразновидни диви животни, меѓу кои речиси 400 видови на птици, како и разни мајмуни и леопарди.

На врвот е поставено дваметарско знаме на Танзанија изработено од метал, како и бетонски милјоказ со натпис „Социјалистички Врв 4562,13 м“.

Поврзано

• Килиманџаро
• Географија на Танзанија
• Список на вулкани во Танзанија

Надворешни врски

• Меру - Peakware (англиски)
• Сателитски слики на Меру Архивирано на 23 јануари 2005 г. (англиски)
• Информации за планинарските патеки на Меру (англиски)

Галерија

• 
  Топографија на Меру
• 
  Меру од приодот Момела
• 
  Поглед на Меру од врвот на Килиманџаро