Маздрача
Маздрача — река во Македонија, лева притока на Вардар.
| Маздрача | |
|---|---|
 | |
| Местоположба | |
| Физички особености | |
| Устие | Вардар |
• надм. вис. | 470 м |
| Должина | 24,5 км |
| Особености на сливот | |
| Течение | Вардар→ Егејско Море |
Хидрографски одлики уреди
Спаѓа меѓу поголемите и првите леви притоки на Вардар во Полошката Котлина[1]. Извира во месноста Венец, во јужниот дел на Шар Планина во масивот под врвовите Мала и Голема Враца, на надморска височина од 2250 метри, а се влева во Вардар наспроти село Волковија на 470 метри надморска височина[1]. Долга е 24,5 километри и има пад од 1780 метри[1]. Зафаќа сливна површина од 140 км2[1].
Течение и водостопанско значење уреди
Во своето изворишно подрачје и горно течение високо на Шар Планина, реката Маздрача, собира многу полноводни притоки како што се потоците Тиха Вода, Демирова Река на која има доста висок повремен водопад чии во значаен дел се користат во хидросистемот „Шарски води“ за напојување на мавровските и вруточки електрани, заради што во овој дел има изградено и водостан „Маздрача“. По течението со стрмен пад низ шумовиот дол на Шар Планина каде ја прима притоката Матене која истекува од Црното Езеро, излегува во Полошката котлина течејќи низ селото Неготино кое го дели на 2 дела и во кое ја прима притоката Маврица. Напуштајќи го селото Неготино во подножјето и допирот на Шар Планина со котлинското дно, реката Маздрача тече низ рамнината на Полог сè до нејзината утока во Вардар. Поради полноводноста, покрај за електрична енергија, водите на Маздрача во голем обем се користат за наводнување на бројните плодни ниви во рамината на Полог на кои поради влажноста успеваат висококвалитетни пченка, грав, домат, пиперки и други градинарски култури.
Галерија уреди
-
Текот на реката Маздрача низ постројка на хидросистемот „Шарски води“ -
Течението на Маздрача во изворишното подрачје високо на Шар Планина -
Повремениот водопад на малата притока Демирова Река, непосредно пред вливот во Маздрача
