Кари Хаг

Кари Јорун Блакисруд Хаг (норвешки: Kari Jorun Blakkisrud Hag; р. 4 април 1941) е норвешка математичарка, позната по нејзиното истражување во комплексна анализа на квазикруговите и квазиконформното мапирање, како и за нејзините напори за родова еднаквост во математиката. Таа е пензиониран почесен професор по математика на Норвешкиот универзитет за наука и технологија (НТНУ). Со Фредерик Геринг таа е автор на книгата „Сеприсутниот квазидиск“ (Американско математичко друштво, 2012).

Хаг со наградата НТНУ за родова еднаквост во 2000

Образование и кариера

Хаг е по потекло од Еидсвол. Студирала на Норвешкото училиште за образование во Трондхејм, завршувајќи ја кандидатуирата за магистер (cand.mag.) во 1963 година, а потоа и на Ословскиот универзитет, завршувајќи го реалната кандидатура (cand.real.) во 1967 година. По ова, таа докторирала во 1972 година на Мичигенскиот универзитет. Нејзината дисертација, Квазиконформни гранични кореспонденции и екстремните мапирања, била надгледувана од Геринг.

По завршувањето на докторат, таа се приклучила на Норвешкиот институт за технологија (НТХ), кој подоцна станал дел од НТНУ. Таа станала редовен професор на НТНУ во 2001 година, а се пензионирала како почесен професор (професор емерита) во 2011 година.

Награди и признанија

НТНУ и ја доделил на Хаг наградата за полова еднаквост во 2000 година, за нејзините напори за зголемување на интересот на девојките во науката и математиката. Во 2018 година таа била избрана за витез од редот на Свети Олав.