Иштванова Пештера

Иштванова Пештера (унгарски: Szent István-barlang) — варовничка пештера во Мишколц—Лилафуред, Северна Унгарија.

Иштванова Пештера
Szent István-barl
Внатрешноста на пештерата
Длабочина	50 м
Должина	318 м
Откриена	1913
Влезови	2
Мреж. место	Szent István-barlang

Влезот во пештерата

Столбови во пештерата

Пештерата настанала во тријаскиот период и е долга околу 318 м. Била откриена во 1913 година. Според месното предание, куче паднало во окно длабоко 15 метри, што било единствениот природен отвор на пештерата. Луѓето ја нашле пештерата кога го спасиле кучето. Истражувачите почнале да ја истражуваат пештерата во 1927 година. За туристите бил направен уште еден влез, а во 1931 година пештерата била отворена за јавноста.

За време на Втората светска војна, пештерата била оштетена, при што многу од сталагмитите и сталактитите биле скршени од луѓе кои барале засолниште од воздушни напади. Осветлувањето било поправено дури во 1955 година и пештерата повторно била отворена за јавноста.

Пештерата сè уште се истражува и може да се посети само дел. Нејзината најдлабока позната област е наречена Пекол. Најубавите структури настанати капка по капка се Мамутовата уста, Земјата на бајките, Салата на столбовите и Концертната сала. Поради полнење на пештерата со вода, во 1958 и 1974 година, се претпоставува дека внатрешните делови се поврзани со одводи за вода.

Поради осветлувањето, во пештерата се појавил мов. Овој проблем бил решен со промена на видот на осветлување.

Воздухот во пештерата е многу чист и има висока влажност. Овде се лекуваат пациенти со респираторни заболувања.

Надворешни врски

• Фото-галерија